Aku Semina Kaban Nuan

Puas ngelalai ke pemerinsa ati,
Puas ngelamun ketawa berari,
Tang nadai orang nemu ai ti chiru,
Lubuk beteluk endang mayuh rau...

Ati telih dibalut belama,
Meruan bedarah enda peda mata,
Mua rindang tampak siang,
Ati rugang melema petang..

Ati nuan diberi ke bukai,
Pengerindu nepan ba dan kelampai,
Aku semina kayu kemunting,
Jauh dibaruh enda setinting...

Lama aku udah nyimpan,
Pengerindu betapuk enda ku ayan,
Ketegal tua udah lama bekaban,
Enda ku danjan madah pengeran..

Tiap kali nuan madah ke aku,
Nuan sayau ke ia siko,
Selalu muji madah pengelebih,
Ngasuh ati ku majak telih,
Madah pengeran nuan ke ia,
Ngasuh aku betambah mawa,
Ngau naka ulih nagang ai mata,
Ti seruran labuh meruan ka naya..



Maya nuan malik aku lelekik,
Lebuh nuan ilap ai mata ku lap,
Maya nuan nunga aku ketawa,
Nuan melakang mua ku petang..

Belayar Mai Janji Semaya serta Pengerindu Dua Ati...

Pengerindu Jelungan ,
Semaya Balang ,
Penyayau Luya ,
Maya Kapal Pengerindu Alah Laban Gelombang Penguji...

Aku Karam..........

Seagi kaki agi bediri,
Seagi ati ulih kenangi,
Seagi aku ulih beretan,
Aku tetap ke kaban nuan...

Credit to: Cherita Pengerindu Tua/.https://www.facebook.com/MelempaiBaPangkalanSunyi